Altzoko Kultur Batzordea 1997an sortu zen udalaren ekimenez. Herritar guztiei zuzendu zitzaien deiari erantzunez, herritar talde bat eratu zen, bolondres gisa, herriaren intereseko hainbat ekimen bultzatzeko.
Herriko kontakizunak eta historia biltzeko helburuarekin, Kultur Batzordeak hainbat herritar elkarrizketatu zituen 1998ko udazkenetik 1999ko udaberrira bitartean. Altzoko historiari buruzko liburuaren argitalpena izan da lan horren emaitza eta herritarren istorioen bilduma berriz bidean da.
