"Ya no se existen Mirenes"

Pasarteak jarraian erreproduzitu

Hizlaria(k): Odriozola Jaio, Miren

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan AJN-002-011 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Bere neba itsasoan egon zen urte askoan, baita gerra garaian ere. Beregana Pasaiara (Gipuzkoa) joateko salbokonduktoa eskatzen joan zenean Gernikara, datu pertsonalak galdetzerakoan "Ya no se existen Mirenes" erantzun zion bertan zegoenak.

« Aurrekoa Hurrengoa »

Proiektua: Muxikako ahotsak
Elkarrizketatzailea(k): Nerea Goiria Mendiolea
Data: 2010(e)ko irailaren 21a
Iraupena: 0:01:25
Erref: AJN-002/011
Kodifikatzailea: Nerea Goiria Mendiolea
Gaia(k): Politika » Euskara eta politika

Transkripzioa

Neba bat euki gendun berrogeta zazpi... berrogeta sei urte ein zittuen [...] barku baten. Harek… […] makilleruen bandan. Ta ez zan etorten sekula baten be. Orduen ez ekixen nundik nora zan be. Baia gero honek sartu zienien, badakizu, berak be ez eban jakin harek gu hil ala bizirik gauzen, ze Gernika bonbardeauta izen zan lez ta. Ta bota oskun errekadue: bizi bagara, juateko. Birritten pentsau be ez. Juan Gernikara salbokonduktoa ataaten, ta salbokonduktoa ataatera juan naizenien —salbokonduktoa biher izeten zan… Ta, ganera, oniño trenien ezin zeikien juan, ze hori oniño libretako euen hori alderdixoi ondiño. Kostaz. Ta kosta… Hamen orduen [baserrixen] ez zan […] kotxerik bape. Ba, badakizu zer? Baiña ez naben pentsau ezebe txarrik. Ataa naban, ta juan nitzen ta. Geu […] bertan, Gernikan, badakizu, gaztiekin ibiltten zara beti ta, geu gazte ta. Mutil bat, Gernikakue, ezautzen gendun ondo, ta berak ni be bai. Baia erderaz esan osten: “¿Cómo te llamas?”, “Ez dakizu ala —nik esan— Miren nazena?”. Badakizu ze kontestaziño emon osten? “Ya no se existen Mirenes” esan eusten, “Ya no se existen Mirenes”. Ta nik gehixau kontestau be ez. Baia emon osten salbokonduktoa.

Egilea(k): Aintzane Agirrebeña (Badihardugu Euskara Elkartea)