Anjel Mari Olalde Arrieta Buka

1955ean jaio zen Agurainen. Butanero lanetan aritu zenez, 'Buka' izengoitia jaso zuen, eta horrela da ezaguna herrian. Ama Zuazokoa zuen, aita Aguraingoa. Gasteizko seminarioan egin zituen apaizgai ikasketak. Politika kontuak zirela eta, kartzelan egon zen sei hilabetez 1980an, eta bertan hasi zen euskara ikasten. Ondoren, Ezkio-Itsasoko baserri batean egon zen sei hilabetez. Euskara irakasle bihurtu zen gero, Agurainen, eta Arabako AEK-ko arduraduna ere izan zen 2004. urtera arte. Araba Euskaraz jaiaren jaiotzan parte hartu zuen, eta elkarrizketa egin genionean bertako zenbait proiektutan zebilen murgilduta. Gasteizko Ahotsak proiekturako elkarrizketatua.