Urdiñarbe

Urdiñarbe Zuberoako mendebaldean dagoen udalerria da, Arbaila eskualdean kokaturik dagoena. Udalerri hauekin egiten du muga: Lohitzüne-Oihergi eta Ainharbe iparraldean, Altzürükü hegoaldean, Garindaine, Gotaine-Irabarne eta Idauze-Mendi ekialdean eta Pagola eta Muskildi mendebaldean. Urdiñarbe, antzina, Orreagako abadetxearen menekoa zen enkomienda izan zen. Uhaitzandi ibaia udalerritik igarotzen da, bertara isurtzen den Arangorena errekarekin batera (baita azken honen ibaiadarra den Abarakia erreka ere).