Tomaxa

Tolosako Auzo-txikia auzoko Ezeizagoiena baserrian jaioa. Aita bertakoa zuen eta ama, berriz, Andoaingo Sorabilla auzokoa. Aitak errota hartu zuenean errotara jaitsi ziren, berak 5-6 urte zituela. Aitak pentsu-biltegia jarri zuen bertan eta geroago baita kantera ere. Baina gerra-garaian hil zitzaion aita, berak 12 urte inguru zituenean, eta 6 senide gelditu ziren amarekin. Tolosara joan zen eskolara, hasieran "Hijas de Jesus"era, baina aita hil zenean, handik atera egin zuten. Geroago "Inmaculada"ra joan zen, baina egunean ordubete besterik ez zuen egiten. Umetatik lan asko egin behar izan du.