Juanita Garai Saenz de Buruaga

Gerra sasoian jaio zen hondartza ondoko Iturralde auzoko Urijosebe etxean. Ama Sopelakoa zuen eta aita Lemoizko nabigatzailea eta gudaria. Hiru neba-arrebatatik alaba bakarra izan zen, eta etxean lan asko egin behar izan zuen: kortan, soloan, sukaldean... Herriko eskola nazionalean eta Berangoko mojen ikastetxean ikasi zuen, betiere gaztelaniaz. Euskararen kontrako errepresioaren ondorioz, eremu euskalduna zelan erdaldundu den ezagutu du belaunaldiz belaunaldi. Askatasuna danta-taldeko kidea, herriko zinegotzia eta katekista (3 urtez moja izan ostean) izan da besteak beste.