Eibarko euskara: izen sintagmaren deklinabidea
Nerea Areta ikerlariak bere doktore tesirako egindako grabazioak. 1997. urtean hasita, 400 orduko grabazioak egin zituen Eibarko hainbat lekukoren artean. Eibarko euskararen ezaugarri eta ñabardura guztiak jaso zituen: fonetika, morfologia, izena, aditza, sintaxia, lexikoa... Ondoren, elkarrizketa hauetan jasotako informazioa oinarri hartuta, doktore tesia aurkeztu zuen Deustuko Unibertsitatean, ondorengo izenburuarekin: Eibarko euskara: izen sintagmaren deklinabidea. Izenburu bereko liburua ere kaleratu zuten Unibertsitateak eta Eibarko Udalak.
