Frankismoaren biktimek jasandako kalteak ikertu eta errekonozimenduaren bidez justizia egiten ahalegintzeko, ahaztuen memoria eta lekuan lekuko historia berreskuratzeko eta zabaltzeko, eta Gerra Zibilak sortu zuen sufrimenduaren inguruko gogoeta eragiteko asmoz sortu zen Ahaztuen Oroimena Markinaldeko Frentea 1936 Kultur Elkartea. Helburu hori lortzeko, besteak beste, hainbat lekuko elkarrizketatu dituzte, 2008-2009 inguruan hasita. Bildutako informazio guztia www.ahaztuenoroimena.com webgunean aurki daiteke. Patxi Ibarzabal, Aitor Bereziartua eta Alberto Unamuno ibili dira gerrako testigantzak jasotzen, eta ehundaka lekuko elkarrizketatu dituzte.
