Pagola

Pagolako uhaitzak udalerria gurutzatzen du hegoaldetik iparraldera. Berau da Zuberoa eta Nafarroa Beherearen arteko muga; ekialdean uzten dituen herriko lurrak Arbaila kontsideratzen dira, eta mendebaldekoak Oztibarre, nahiz eta udalerri bakarra izan, hau Zuberoan. Biduzera isurtzen den Larramendiko erreka ere igarotzen da udalerritik. Herri hauek ditu mugakide: iparraldetik, Arhantsusi, Uhartehiri eta Lohitzüne-Oihergi; ekialdetik, Urdiñarbe; mendebaldetik, Jutsi; hego-mendebaldetik, Donaixti-Ibarre; eta, hegoaldetik, Muskildi. Herriaren izenak "pagoen etxola" esan nahi du.