Mariatxo Martin Ibarloza

Donostian jaio zen Mariatxo, Abuztuaren 31 kaleko 12. zenbakian. Ama ondarroarra zuen: Kontxa Ibarloza, nortasun handiko emakumea, errepublika garaian ere abertzaleentzako botoa eskatzen aritutakoa, erabakiak azkar eta taxuz hartzekoa. Aita ferratzailea zen eta lantegia zuen Anoetan. Gerra hasi zenean, aita ebakuntza baten ondorioz inora joan ezinik zegoen eta ama-alabek Ondarroarako bidea hartu zuten 1936ko irailaren 12an, hain zuzen ere. Harrezkero Ondarroan bizi izan da. Ondarroako euskara darabil. Ahaztuen Oroimena taldekoek egin zioten elkarrizketa, gerrako bizipenak jasotzeko (ikusi euren webgunean).