Jexux Isasa Iartzabal

Jexux Igerobiaundin jaioa da (berak esaten duen bezala, "Iyerubi haundin"). Baleione bezala ere ezagutzen dugu baserri hori. Aspalditik egiten da sagardoa bertan. Jexuxek ederki dakizki edari horren sekretu guztiak, eta aski gogoan ere baditu Oiartzunen sagardotegi pila ederra zeuden garaiak ere. Bere aurrekoek kontatzen zizkiotenak eta berak gogoan dituenak kontatu dizkigu, eta hartara, sagardotegietan egoten zen giroa ezagutu dugu. Izan ere, orain tabernetan bezala ibiltzen zen lehen jendea sagardotegiz sagardotegi. Bertan txotxetik edan eta basoka erosten zen; etxera eramateko ere etortzen zen jendea; eta horretaz gain, behiarekin garlean ere banatzen zuten... Makina bat sagardo egin eta banatu izan da Iyerun.