Jose Luis Altuna Kalzakorta

Guraso biak mutrikuarrak zituen. Hiru senidetan gazteena, umetatik hasi zen zesta puntan jokatzen, osaba -Luis Mari Altuna pilotaria- irakasle zuela. 19 urterekin Bartzelonara joan zen, pilotari profesional gisa. Handik urtebetera, 1987an, Dania Beachera (Florida). 1988an hiru urteko greba luzea abiatu zuten pilotariek, eta gero Danian jarraitu zuen jokatzen beste bi urtez. 1993an Mexiko DFra joan zen, baina ordaintzeari utzi ziotela-eta Euskal Herrira itzuli zen: lau urteko kontratua izan zuen han. Markina-Xemeinera ezkondu zen, eta 1999an Daniara joan zen berriro pilotan jokatzera, emaztearekin eta alaba jaio berriarekin. Lau urteren buruan Markina-Xemeinera bueltatu ziren. Geroztik beste lan batzuetan ibili da.