Gregorio Aldasoro Telleria Intxaurzulo

Gregorio Mutiloko Intxaurzulo baserrian jaio zen. Bere gurasoak ere Mutilokoak ziren: ama Intxaurzulo bertakoa, eta aita Gaztainerrotakoa. Zortzi urte zituela, Mutiloko eskolan hasi zen Gregorio, eta han ibili zen hamabi urte zituen arte. Seguran, fraideetan ibili zen bi urtez; eta, Beasaingo fraideetan, beste bi urtez. Hamasei urterekin, mekaniko-lanetan hasi zen Pablo Irizarren garajean, Beasainen. Aseguru-kontuak medio, lan hura utzi eta Idiazabalgo lima-lantegian jarri zen lanean. Barberu ere ibili zen urte askoan. Hogeita sei urterekin, Idiazabala ezkondu zen.