Muskildi

Zuberoako mendebaldeko udalerria, Arbaila eskualdekoa. Nafarroa Behereko mugan kokatua dago; Lauga auzokoek Muskildin bozkatzen dute, baina eliza Donaixtin dute (Behe Nafarroa). Biduze ibaia eta Pagolako uhaitza igarotzen dira udalerritik, bai eta haietara isurtzen diren hainbat erreka ere. Herri hauek ditu mugakide: Pagola iparraldean, Urdiñabe ekialdean, Donaixti-Ibarre (Nafarroa Beherea) mendebaldean eta Altzürükü hegoaldean. Udalerriko ekonomia laborantzan eta abeltzaintzan oinarritzen da.