Manuela Larrañaga Loiola

Debako Arbiskoa auzoko Sakabizar baserrian jaio zen. Zortzi anai-arrebatatik bigarrena izan zen. Aita etxekoa eta ama Eibarko Agiñagakoa zen. Aittola zaharreko eskolan ikasi zuen sei urtetik gerra hasi zen arte. Deba inguruan ez zen borrokarik izan gerra denboran. Bere bizi guztia baserrian eman du. Umezain aritu zen urte eta erdiz Sakabi Berri baserrian. Hogeita bat urterekin Elgoibarko Aiastia auzoko Oa Txikia (Uba Txikia) baserrira ezkondu zen etxeko Agustin Irustarekin. Lau seme-alaba izan zituzten.