Julian Zelaieta Aranburu

Trabakugoikoan jaio zen, sei anai-arrebatatik gazteena izan zelarik. Aita etxekoa eta ama Osma auzoko Gomeziaga (gaur desagertuta) baserrikoa zen. Auzoko eskolara joan zen hamaika urte arte. Durangoko maristetatik pasatu ondoren, seminario ezberdinetan ikasi zuen 22 urte izan zituen arte. Ez zen apaiz ordenatu. Bere jaiotetxea baserri txiki bat izateaz gain, taberna, denda, estanko, ile-apaindegia eta pentsu-biltegia ere izan zen; erromeria-plaza eta bolatokia ere bazituen. Bola-joko, txirrindularitza edota lasterketa lehiaketa asko egoten ziren Trabakuan bera umea zenean. Haien artean “kontrafabore” apustuak (desafioak). Arrate Irratiko hasieran lanean jardun zuen pare bat urtez, Maria Angeles Arrieta bere emaztea izango zenarekin batera. Durangora ezkondu zen.