Mañoli Pikabea Zuloaga

Lezoko Kale Nagusian jaio zen. Gurasoak Lezokoak ziren; aitak pintura-fabrikan egiten zuen lan eta musikaria zen, Lezoko bandan jotzen zuen. Oso kantuzaleak ziren etxean eta hamalau anai-arrebek asko kantatzen zuten; Mañolik, memoriak huts egiten badio ere, kanturako ahots ona gordetzen du oraindik. Lezoko jostuna izan da Mañoli. Hamalau urterekin utzi zuen eskola eta neskame joan zen Donostiara. Gero, Donibaneko Pisben aritu zen arrainarekin lanean, baita Errenteriako Fabrika Haundia deitzen zutenean eta Olibeteko gaileta-fabrikan ere. Bitartean, josten ikastera joaten zen Agustina Aierdi Cobos jostunarengana, eta pixkanaka kanporako lanak egiten hasi zen etxean: soinekoak, galtzak, andregai-soinekoak... Berrogei urte zituela ezkondu zen lezoar batekin eta bi alaba ditu. Urte askoan egin zuen arropa kanporako eta elkarrizketa garaian ere, oraindik ez zion josteari erabat utzi.