Batallón de Trabajadores

Soldadu presoak izan ziren Lesakan, gerran. “Batallón de trabajadores” osatzen zuten presoek Oiartzunerantz doan errepidea egin zuten, pikatxoi eta palarekin. Presoren bat kastigatzen zutenean, zaku bat hare lotua eramaten zuen bizkarrean, lan egiten zuen bitartean. Aisialdian futbolean aritzen ziren, “eta hartatik hasi zen futbola hemen”. Neska gazteek dotrina erakusten zieten, eliza atarian, lanetik pixka bat eskapatzeko-edo; gero, bataiatzen zituen apezak. Basakeriak egin zituzten soldadu presoekin. Behin, “ornuak” (uzta bildu ondoren, batzuetan gelditzen diren aleak) biltzera joan zen preso bat eta lesakar batek tiroz hil zuen. Presoek, dirua lortzeko, euren zapatak saltzen zituzten eta egurrezko bota-kalotxak erabiltzen zituzten (beraiek eginak)