Arotzen lan tresnak

Arotzean aritzeko tresnak: sutegia, “txingudia” (ingudea), mailuak eta puntzoiak, bertzeak bertze. Behinik behin, beste lagun bat behar duzu beti arotzean aritzeko; gehienetan arotz nagusia edo maistrua eta bi laguntzaile izaten ziren. Igantziko elizarako gurutze bat egiten aritu zirenena, hiru lagun aritzen ziren: aita (maistru bezala), bera eta beste gizon bat; txandaka jotzen zuten mailuarekin, maistruak emandako toki berean. Nagusiak txingudiaren ginean lau bider jotzen zuenean, beste kolpe bat eman behar zenuen eta amaitzen zen. Gero maistruak, mailu txikiarekin, dena berdintzen zuen. Lehen ez zen soldagailurik, errematxeak egiten zituzten; lehengo lanak meritu handiagoa zuen.