Inauteak

Inautetan nola janzten ziren azaltzen du (gona zahar batzuekin, kapelak...). Ez zen libre inauteetan ibiltzea. Baserritara joaten ziren. Batek amaren soina jantzi zuen, baina emateko erran zion amak, besterik ez zuelako. Gehienetan andreen arropekin janzten ziren; neskak ere ateratzen ziren haiekin (galtzak edo buzoak janzten zituzten). Behin Etxalarko inauterietara joan ziren neska eta mutilak autobusez; bikarioa enteratu zenean autobusean elkarrekin joan zirela, elizara deitu zituen eta eskomulgatu (eskumikatu) zituen. Inauterietan kantatzen zituzten bertsoak: “Agur gure herriko alkate jaunari eta errespetua eliz gizonari...”. Astelehenetan bakarrik janzten ziren. Zakuzaharrak, berriz, igandean izaten ziren, baina gerran denboran ez zen egiten. Bere aita gaztea zela, karrozak egiten zituzten eta zaldiekin eramaten zituzten. Gerra denboran dena galdu zen, baina gero errekuperatu zuten.