Langileen batailoia 1

Gerraostean, “rojuak” ekarri zituzten, langileen batailoia (“batallón de trabajadores”). 4000 inguru ziren, zenbait etxetan eta barrakoietan bizi ziren. Kopetan “BT” letrak jartzen zizkieten. Futbol zelaia egiten aritu ziren. Goseak zeuden eta lurrera erortzen ziren; kapitanak uhalarekin jotzeko erraten zien beste soldaduei. Apez batek hori ikusten zuen, baina ez zuen deus ere erraten. Egun batean, bera errotan zela, langile bat oinutsik etorri zitzaion irin eske eta, trukean, bere botak emanen zizkiola erran zion; irina eman zion, baina ez zituen botak hartu. Anitz hil ziren. Kastigatzen zituzten, gau ta egun karga bat eramaten...