Urbano Bengoa Arkauz

Olaunerdikoan jaio zen, sei anai-arrebatatik hirugarrena. Ama bertakoa, eta aita, berriz, Eskoriatzako Gaztañadi auzoko Porrena baserrikoa zen. Gatzagan hasi zen eskolan sei urterekin. Hamaika urte zituela aita hil eta eskolok bukatu zitzaizkion. Harrezkero etxean egon zen, Arabako Olleriasen egin zituen sei hilabeteak kenduta; hamasei urterekin artzaintza ikastera joanda morroi egon zen epea. Gerran hiru urtez borrokatu zen nazionalekin hainbat frontetan. Anaia bat galdu zuen Asturiasekoan. Eskoriatzako Bolibar auzoko Pagaldai baserriko Petra Pagaldairekin ezkondu eta hamar seme-alaba izan zituzten.