Junkal Garmendia Arozena

1942ko irailaren 8an jaio zen Junkal, Irungo Bidasoa auzoko Argiñenea baserrian, auzoan Bekoerreka izenez ezagunagoa. Bidasoa bertako Señoriotz baserrikoa zuen aita, eta ama, aldiz, Hondarribiako Jaizubia auzoko Patxalategikoa.

Sei senidetan zaharrena, umetatik baserriko lanetan aritua da Junkal, eta 14 urte zituela, Irungo Poxpolo-fabrikan hasi zen lanean, 18 urte bete bitartean. XX. mende amaieran Irungo merkatuan fruta saltzen hasi zen gero, eta langintza horretan hainbat urte egin zituen, merkatua eraberritu zuten arte. Donostiako Villa Betanian ere aritu da lanean, IHESak jotako gaixoak zaintzen, eta baita Irungo Junkal Parrokian ere, katekista lanetan zein Caritasen, borondatezko langile.