Ilharre

Nafarroa Behereko iparraldeko udalerria, Donapaleuko kantonamenduan, Amikuzen. Mugak: iparraldean, Bastida eta Burgue-Erreiti; ekialdean, Arboti-Zohota eta Biarno; mendebalean, Labetze-Bizkai, eta hegoaldean, Labetze-Bizkai eta Gabadi. Auzo nagusiak: Galharraga, Goiti, Larralde, Salaberri eta Labenenta. Biduze ibaiak inguratzen du udalerria hegoaldetik eta mendebaletik. Laborantzan (garia, bazkarako landareak) eta abere hazkuntzan (ardi eta behi azienda) oinarritzen da bertako ekonomia jarduera nagusia. (Argazkia www.eke.eus webgunetik hartua)