San Juan eguna

Lehen, San Juan besta eguna zen, oraingo bestak bezala. Bezperatik hasten ziren besta egiten. Pilota partida izaten zen beti San Juan egunean. Bezperan ziri batzuk prestatzen zituzten, lehertu eta bertan erramu hostoak, lizarra eta elor-zuria sartzen zituzten. Makil hoiek lursailetan paratzen zituzten eta, ur bedeinkatua bota ondoren, lursaila bedeinkatuta gelditzen zen. Oilo bat hiltzen zuten besta egunean jateko. Jende piloa etortzen zen; hamahiru kantina paratzen zituzten (ardoa, salda eta ogitartekoak ematen zituzten). Jende piloa oinez etortzen zen Oiartzundik, gauez. Iturrira oinutsik joaten ziren gero garbitzera. Bi akordeoi izaten ziren han eta herrian ere musika izaten zen. Jendeak kalitxak eta bestelako gaitzak sendatzen direla erraten du.