Mustrillua eta argizaria

Bereska (abaraska) hartu ondoren, eztia kentzen zen eta ontzi batean paratu. Hatzaparrekin zanpatzen zen eta eztia ateratzen zen. Gero oihal berezi batera botatzen zen eta hartan pasatu. Hala ere, bereska zatietan eztia gelditzen zen eta hori kentzeko ur berotan sartzen zituzten(ez zen ur beroegia jarri behar, bestela argizaria urtzen baitzen). Gero eltze batean paratzen zen ura eta utzi; aparra kendu eta mustrillua egiten zen: irina botatzen zen loditzeko eta gero intxaur mordoska. Azkenik, mustrillurako erabiltzen ez zen zaborrarekin argizaria egiten zuten. Argizari mehe eta luzea egiten zuten eskuekin; solairuari emateko ere erabiltzen zuten .