Saski klaseak

Arrainetarako saskiez gain, lanerako saskiak egiten ziren. Artoa biltzekoari saski-hondaia, buruzare edo hondar-saskia erraten zioten. Hiru neurriko saskiak egiten ohi ziren: mehar-saski txikiak, ertainak eta handiak. Batzuetan handiagoak enkargatzen zizkieten. Diputaziorako saski piloa ere egiten zuten, legarra eta harria zabaltzeko, bertzeak bertze. Txikia patata biltzeko erabiltzen ohi zen eta ertaina, berriz, harri-ikatza pisutan paratzeko. Asto-saski anitz ere egiten ziren: goitik eta behetik irekia zen eta ataka bat paratzen zitzaion behean, astoak zeramala deskargatu ahal izateko. Molderik gabe egiten ziren.