Urteberritan eskean aritzen ziren kantari

Urteberritan eskean ibiltzen ziren kantari: “Dios te salve, ongi etorri, gabon Jainkoak digula, legearekin kunpli dezagun urte berriaren sarrera”. Gero, hainbat bertso kantatzen zituzten: “Horra hor goian izarra, errekaldian lizarra, etxe hontako nagusi jaunak urre gorrizko bizarra”. Etxean inor ez bazen: “Goazen, goazen hemendik, hemen ez zegok dirurik...”. Bertze bertso bat: “Eman behar baduzu, emazu, bestela ezetz esazu, hotzak hiltzera ate ondora amak ez gaitu bidaldu”. Bertze bat: “Esperantza non zara, ez zara inon ageri, mundu guztia ezkondu da ta zu zertako egin ez zara”. Bertzeak bertze, arrautzak eta dirua ematen zizkieten etxeetan.