Idauze-Mendi

Idauze-Mendi Zuberoako udalerria da, Arbaila eskualdekoa. Udalerri hauek ditu mugakide: Gotaine-Irabarne ipar-ekialdean, Urdiñarbe ipar-mendebaldean, Mendikota ekialdean, Altzürükü hego-mendebaldean eta Ozaze-Zühara hegoaldean. Idauze eta Mendi herriak 1842. urtean batu ziren, udalerri bakarra osatzeko. Uhaitzandi ibaia udalerritik igarotzen da, bertara isurtzen diren Arangorena eta Uhalteberri errekekin batera. Udalerriko ekonomiaren oinarria laborantza den arren, berriki itsas produktuekin lan egiten duen enpresa bat kokatu da bertan.