Maria Dolores Izagirre Otamendi

Hernialdeko Erretiro baserrian jaioa. Aita bertakoa zuen, eta ama Bidaniakoa. Etxean lan asko egitea suertatu izan zaio txikitatik. Ama gaixorik eduki zuten, ohean, denbora luzez, eta bera arduratu zen etxeko martxa eramateaz, oraindik umea zela. Ondo gogoan du nola jaisten zen Tolosara esnea saltzera, marmitak eroriko ote zitzaizkion beldurrez. Gaztaroa garai gogorra izan zen beretzat. Besteak igande arratsaldetan festara joaten ziren bitartean, etxean lanean gelditu behar izaten zuen berak. Orain, Villabonan bizi da.