Pedro Ignacio Elosegi Gonzalez de Gamarra

Gasteizen jaioa, guraso biak ere gasteiztarrak zituen. Aiton-amonak, ordea, alde batekoak Arabako lautadakoak ziren eta Errioxakoak besteak. Sei senidetan zaharrena da Pedro. 3-10 urte bitartean Izaskun Arrueren etxean ibili zen ikasten, isilpeko ikastolan. Ondoren, Estibalitz kaleko Olabide ikastolara joan zen. Batxilergoa institutuan egin zuen, eta euskara galdu zuen bertan. 16 urte zituela, Olabide ikastolan txistu eskolak ematen hasi zen astean behin, eta modu honetan euskara berreskuratzen ere hasi zen. Medikuntza eta musika ikasketak egin zituen, baita euskal kulturan graduondokoa ere. Olabideko lehendakaria eta batzordeburua izandakoa. Politikaria (EAJ), Arabako Batzar Nagusietako presidentea izan da, baita Gasteizko Udaleko zinegotzi ere. Folklore Akademia zuzendu du 20 urtez.