Ehiza

Ehizan oso zaletua izan da Vicente. Bakarrik joaten omen zen motxila hartuta, ez zen postuetara joaten berak nahiago zuen ibili. Hala ere, aditua omen zen etxolak eta postuak eraikitzen eta deitzen zioten. Munizioari gehiago begiratzen zitzaion, eta eurek betetzen zituzten kartutxoak, hartara prezio erdian ateratzen baitziren. Berak hegaztiak ehizatzen zituen, oilagorrak, usoak, eperrak... Horretarako setter zakurra zuen. Garai batean, hegazti gehiago zegoela dio, eta hori gari gehiago ereiten zelako gertatzen zela dio. Oporrak ehizara joateko urrian hartzen zituen, hori sakratua zen.