Zapatak txandaka. Oinutsik. Oinetakoak

Sosik ez zutela-eta, zapatak eta beste arropak txandaka ibiltzen zituzten. Adibidez, etxeko neska bat mezara joaten zen eta itzultzen zenean bere ahizpari ematen zizkion zapatak, mantelina edota soinekoa; eliza urrun bazegoen, bidean bertan egiten zuten aldaketa eta bestea oinutsik itzultzen zen baserrira. Jende anitz ibiltzen zen oinutsik garai hartan. Gehien erabiltzen ziren oinetakoak espartinak ziren; kubiertekin egindako abarkak eta egurrezko eskalapoinak (iltzekin) ere erabiltzen zituzten. Kalotxak eskalapoinen antzekoak ziren, baina hiru hankatxo zituzten; emakumeek anitz erabiltzen zituzten. Bortzegiak zapatariak egiten zituen eta garestiak ziren