Erleak 1

Erregina bat izaten zen beti. Martxo edo apiril aldera erregina bat bere talde handi batekin joaten zen. Oihanetan, arbol zuloetan izaten ziren eta ikusten zuenak, gurutze bat markatzen zuen, berea zela adierazteko. Aunitzetan hartzen zituzten eta beste leku batera eramten zituzten. Udazken aldean kentzen zen eztia (negua pasatzeko hainbat uzten zen). Azukrea paratzen zitzaien. Eztia kentzeko aurpegia eztaltzen zuten eta kea bota. Hartutako zatiari eskuarekin eztia kendu ondoren pilota antzeko bat gelditzen zen (“txokota” erraten zioten) eta hori zupatzen aritzen ziren. Argizaria urtzen zuten etxean emateko eta, aunitz zutenek, saltzen zuten kandelak egiteko.