Belarra. Bihurrak

Bere gazte denboran belarra segaz egiten zen. Egurrezko giderra zuen. Sega nola zorrozten zen azaltzen du. Bere anaiarekin beste baserritara joaten zen belarrak egitera. Goizean belarra segarekin pikatu eta, arratsaldean, zurezko sararekin hedatzen zuten. Biltzeko denboran ere sara erabiltzen zuten; zamak egiten zituzten eta bihurrekin lotzen zituzten. Bihurrak otsailean egiten zituzten egur berdearekin. Belar zamak bizkarrean hartuta eramaten zituzten baserrira; batzuetan lerak ere erabiltzen zituzten. Berak ez zituen ia kakolak erabili, ezta maindireak ere. Behin belarra eraman ondoren, bihurrak altxatzen zituzten eta biharamunean berriz erabili ahal izateko, ez xehatzeko, uretan beratzen uzten zituzten bi orduz-edo.