Juanito Sagastibeltza Tolare

Eratsunen, Lopeneko bordan jaioa. Berak sei urte zituela Tolare baserrira aldatu ziren. Bi gurasoak baserritarrak: ama eratsundarra eta aita leitzarra, harrobian lan egina erretiroa hartu arte. Hiru senidetan gazteena. Malerrekako bere garaiko hainbat gizasemeren antzera, basomutil ibilia; hogeita lau urtez, Frantzian batez ere: sei eta bederatzi hilabete artean pasatzen zituzten etxetik kanpora. Hainbeste gazteren itzuleran, Eratsunen festa giro izugarria sortzen zen eta festarik festa eta kantuz kantu ibiltzen ziren. Kantazaletasun horretan Eratsun oso herri berezia izan omen da. Juanitori egindako elkarrizketan Antonio Telletxea (ezkerrean), Jexux Deskarga (helduena) eta Juanito Estanga (gazteena) ere agertzen dira.