Mahai-ingurua Elorrion

2010eko azaroaren 11n, San Martinen egunez, grabatu zen Elorrioko Iturri Kultur etxean. Solasa bideratzeko, hogei bat orri jarri ziren pila batean mahai gainean, bakoitzak gai bat zuen idatzita, eta orriei banan-banan buelta eman eta gai bakoitzaz jardun zuten. Amaieran, Elorrioko argazki zaharren liburua erabili zen. Aintzane Agirrebeña eta Juan Martin Elexpuru izan ziren bideratzaileak, eta hurrengo hauek tertuliakideak: Nieves Uribarren Kapelastegi (1933-V-29), Urkizuaran auzoko Ortuburu baserrian jaioa. Tere Mendizabal Azkarate (1936-X-16), Urkizuaran auzoko Isasi baserrian jaioa. Milagros Sarraoa Artabe (1937-XII-12), Urkizuaran auzoko Arrokoa baserrian jaioa. Maria Aizpurua Murgoitio (1933-XI-24)) Zenita auzoko Artealde baserrian jaioa. Azken honek beste grabaketa bat ere badu eginda (ELO-024).