Julian Mendizabal Gallastegi Pastor

Gurasoak ere elorriarrak zituen, ama Zenitakoa eta aita Iguriakoa. Aita artzaina zen eta hortik datorkio "Pastor" gaitzizena, bera ere ardiekin ibili baitzen gerra garaira arte. Hamalau urterekin Belerinen hasi zen lanean. Hamazazpi urterekin lantegia utzi eta basoan hasi zen beharrean. Hemeretzi urterekin Kanpazarren zegoen zerrategira joan zen lanera. Zerrategi batean eta bestean lan egin ostean, harrobian lan egin zuen beste urte batzuetan. Funcor kooperatibaren eraikuntzan eta antolaketan ere ibili zen. Elorrioko antzinako kontuak jasotzeko egin zitzaion elkarrizketa, Elorrion Elorriok Elorrioz barriketan proiekturako, Pedro Gallastegirekin batera.