Eskola Profesionaleko lehenengo euskarazko klaseak; programazio-lengoaiak euskaratzen

Pasarteak jarraian erreproduzitu

Hizlaria(k): Konde Zubiaurre, Joseba

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan EGB-137-007 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Eskola Profesionaleko euskara adarrean berak kontabilitatea eta informatika ematen zuen eta Karlos Ansolak matematika finantzarioa. Beraiek izan ziren gai horiek euskaraz ematen lehenak. Mailaz maila joan ziren irakasgaiak euskaraz txertatzen. Gogoan du programa informatikoa pirateatuta ekarri zuela eta institutuko irakasleei irakasten jardun zuela. Fakultatean programazio-lengoaiak liburutik ikasten zituzten. Gero Cobol eta Basic programazio-lengoaiak euskaratu zituen Elhuyarrentzat. Mandatuak ikasteko komiki bat ere egin zuten.

« Aurrekoa Hurrengoa »

Proiektua: Euskararen historia soziala Elgoibarren
Elkarrizketatzailea(k): Aintzane Agirrebeña
Data: 2023(e)ko maiatzaren 04a
Iraupena: 0:03:14
Erref: EGB-137/007
Kodifikatzailea: Aintzane Agirrebeña
Gaia(k): Ohiturak eta bizimodua » Hezkuntza » Goi mailako ikasketak , Ohiturak eta bizimodua » Hezkuntza » Ikasgaiak eta ikasmateriala , Euskara » Euskalduntzea eta alfabetatzea

Transkripzioa

- Mekanikara bueltauta, nere lankidiak, euskerazko adarrian, bazauden. Karlos Ansola. Horrek ematen zaban matematika finanzierua. Nik kontabilidadia ematen naban bezela. Gero Mariasun etorriko zan, baiña uste dot beranduau dala.
- Orduan hasi ziñan lehenengua euskeraz emoten...
- Kontabilidadia bai. Eta hau, Karlos, bestia.
- Bixok. Zuek izan ziñazien...
- Bai.
- ... Mekanikan euskeraz zeozer emoten hasi zian lehenenguak.
- Bai. Baiña copyright-a ez daukat, e! Ez dakit seguru-seguru, baiña baietzian nao. Eta horrek zian 5 urte; orduan, jun giñan urtetik urtera. Hasi giñan “preparatorio” eta 5.enera allegau giñan. Preparatorio zien... bueno, aurretikan, eta gero Lanbide Heziketa zan bi urte ta Lanbide Heziketa bigarren mailla edo ez dakit zela deitzen zan, LH1 bi kurso eta LH2 hiru kurso. Orduan, ein gendun danak eta neuk kontabilidadia eta informatika. Informatika zien hola oin deitzen... oin Office deitzen dana, word, excel, acces... Bueno, acces gitxiau, baiña... Oin gehixau erabiltzen da power pointa. Lehen ez zauan hori. Baiña zauden beste batzuk, assistant seriea, eta zan writing, filing... ta ez dakit zer. Ta hori pirateauta hasi giñan erakusten. Ni Eibarko lagun batekin, Jabi Arresekin, ikasi neban laboralian eta ez dakit zela pirateauta ekarri neban hona. Eta gero egon nintzan erakusten institutuan honek, Andres, Iñasio, Angel... horreri. Baiña bai zan... Informatika... Kontuan izan, ni Bilbon, fakultadian, informatika zeuan liburu baten. Egun bat –egun bat– danok juten giñan Banco Bilbao Vizkaya-ko ordenadora ikustera, holako gela haundi baten –hau zabalian, baiña alturan– ta ikusten genduan "hau da ordenadore bat", buelta. Eta klasia zan liburua. Eta zien lengoaiak, programatzeko lengoaiak, ez aplikazioak. Eta lengoaia itzultzen –lehenguan akordatzen– usten dot zala Cobol lengoaia egon nintzana Elhuyarren babesarekin itzultzen. Eta... Nik itzulitakoa dana orrazten zuten. Nere maila ba ez zan [profesionala]… baiña bueno. Eta gero beste hizkuntza... o beste lengoaia bat usten dot zala Basic edo holakon bat. Ez naiz akordatzen. Gero ein gendun komiki bat ere, ikasteko... zien honek mandatuak, COPY-C eta bezela, ein gendun komiki bat eta hori euskeratu gendun ere.

Egilea(k): Aintzane Agirrebeña (Badihardugu Euskara Elkartea)