Alejandro Telleriaren ihesa eta heriotza

Oraindik ezin da online kontsultatu pasarte hau. Behar baduzu, jarri gurekin harremanetan edo etorri gure biltegira.

Hizlaria(k): Telleria Gallastegui, Adela

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan EIB-661-017 kodeko bideoa nahi duzula aipatzea: ahotsak@ahotsak.eus

Gerra garaian, Alejandro Telleria ihesi ibili behar izan zela kontatzen du. Santanderretik Sestaora Adelaren aitak lagundu zion, baina, Frantziara pasatzera zihoazela, Donostian harrapatu eta kartzelara eraman zituzten biak. Aitak irtetea lortu zuen arren, Alejandro bertan zendu zen. Familiari ez zioten sekula esan zein egoeratan hil zen ez eta non lurperatu zuten ere. "Gerrako kontuak", dio Adelak.

« Aurrekoa Hurrengoa »

Proiektua: Eibarko ondare industriala
Elkarrizketatzailea(k): Izaskun Gaston Balerdi - Asier Sarasua Aranberri
Data: 2017(e)ko urriaren 19a
Iraupena: 0:02:16
Erref: EIB-661/017
Gaia(k): Politika » Gerra zibila (1936-1939) » Ihes egin beharra , Politika » Gerra zibila (1936-1939)

Jatorrizko proiektua

Grabazio honen materiala ondorengo proiektuaren baitan jaso eta landu zen. Bertan aurkituko duzu jatorrizko materiala eta informazioa: Eibarko udalaren materiala - Eibartarren Ahotan - Egoibarra

Transkripzioa

Bai, gerran lehelengo juan zan Santanderrera eta han, Santanderren harrapau eben. Ez, Santanderren geldittu zan eta nere aitta juan zan, zeaittik asmatikua zan, ta juan zan billa ta gero egon ziran Sestaon euron arreba baten etxian. Ein zittuen papelak ya Frantziara pasatzeko, autobusa eguan Bilbotik urten eta Frantziara juateko, eta han eguazen mojak eta frailiak eta markes edo tituludunak eta nere aittak esan etzela “con estos habrá confianza de…” eta “sí, sí, sí” Donostian harrapau zittuen eta kartzelara. Nere aittak lehenau urten eban eta gure tio hantxe hil zan, kartzelan. Zelan diabetikua eta arritmia eta dana zeukan, sartu eben ospittalian. Txarrago. Ta gero, gure lehengusiña bat Burgosera de viaje de novios eta hantxe “como ha muerto como un perro, le hemos enterrado como un perro” esan esten. Iñok ez zekixan hil zala. Ezebe. Hantxe. Bueno… gerrako gauzak

Egilea(k): Izaskun Gaston Balerdi