Victor Bilbao Aranzabal

Victor Bilbao Zamudion jaio zen 1940an. Aita bertakoa zuen eta ama Elgetakoa. Ama, Bilbora joan zen lanera bertan zuen osaba baten bitartez eta bertan ezagutu ziren gerra aurretik. Bilbon urte bat bete igaro ondoren, Eibarrera joan ziren bizitzera, lehenengo Kalbetoi kalera, gero Jardiñetara eta azkenik garaiko Generalísimo (gaur egungo San Agustin kalea) kalera. Arotza zen aita eta Carpinteria El Carmen izango zena sortu zuen beste sozio batzuekin. Victorrek Isasiko fraideetan lehenengo eta geroago Armeria Eskolan ikasi zuen. 17-18 urterekin ikasketak amaitu eta G.A.C. lantegian hasi zen lanean. Bertan ibili zen 1958tik 1964ra eta mekanika sailean hasi bazen ere, lantegi guztian zehar ibiltzen zen lanean. G.A.C.-ko kontu ezberdinez eta bizikletagintzari buruz hiitz egin digu.