Maite Aranberri Mendizabal

Maite Aranberri Eibarren jaio zen 1942ko irailean. Gurasoak ere eibartarrak zituen eta Eibarren igaro du bizi guztia. Aitak Margola tindategia izan zuen eta Maitek ere bertan egin zuen lan urte batzuetan; amak, berriz, arropa denda bat. 60. hamarkadan Eibarko euskal kultur mugimenduan jardun zuen: txistu klaseak eman zizkien Eibarko haur txikiei eta euskara irakasten ere jardun zuen denboraldi labur batean. Eibarko lehenengo 4 Euskal Jaiak antolatu zituen batzordean ere aritu zen (1965-1968). Hizkera eibartar garbia dauka, baina alfabetizazioaren eragina ere nabaritzen zaio tarteka, batez ere lexiko aldetik.