Unibertsitatean ikasteko Espainiara joan behar

Batxillergoa ikasi ostean, Kimika ikasketak egin zituen Salamancan. Garai hartan, unibertsitatean ikasten zuen jendea Espainiara joaten zen: Madrilera, Zaragozara, Valladolidera, Salamancara... Zazpi urteko batxillergoa egin ondoren, Valladoliden egin behar zuten "exámen de estado". Donostian merkataritza eta arte eta lanbideak ikas zitekeen. Ategorrietan "La normal" esaten zioten lekuan, irakasle ikasketak ere ikas zitezkeen. Kanpoan ikasteak gastu handia zekarren eta ez zen dena erraza izan. Bere amak txarkuteria ikastea nahi izan zuen negozioarekin jarrai zezan. Joxe Pablo nahiz eta bere erabakia ez damutu, uste du amak arrazoia zuela.