Mertxe Uranga Uranga
Donostia (Gipuzkoa) (1937)
Biografia
Zestoako Olazar baserrian jaio zen, baina Donostian bizi da bi urte zituenetik. Ama Azpeitikoa zuen, aita zestoarra. Lau senide ziren. 20 urte bete arte bulebarreko bodega batean bizi izan zen Mertxe. Etxebizitza moduan zegoen egokituta, baina iluna eta umela zen. Ama eraikineko "portera" zen, eta hainbat garbiketa lan egiten zituen bodegan bizitzearen truke. Aita igeltseroa zen. Mertxe Elizarango mojen ikastetxean ibili zen, eta ondoren josten ikasten hasi zen, baina 14 urterekin tuberkulosia izan zuen, eta urtebetetik gora egin zuen gaixo. Gero puntua egiten ikasi zuen, Ategorrietako moja batzuekin, eta bere kontura hasi zen haur arropak egiten. Oargi taldean ibili zen gaztetan: mendira joaten, antzerkia egiten… Jarrai antzerki taldean ere egon zen. JOC-en (Juventudes Obreras Catolicas) ere ibili zen, baita ETA-n ere. Komunistatzat du bere burua. Langileen eta emakumeen eskubideen alde borrokatu du batez ere, abortuaren alde besteak beste. Azken urteetan baserriko oilaskoak hazten dihardu, ahizparekin batera.
Zintak
| # | Kodea | Data | Iraupena | Proiektua | Elkarrizketatzailea(k) |
|---|---|---|---|---|---|
| DON-055 | 2009 | Donostiako ahotsak | Idoia Etxeberria |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute
