Donibane Garazi

Nafarroa Behereko hiriburua da, Donejakue Bidean kokatua. Errobi ibaiak zeharkatzen du. Alde Zaharra Emobia errekaren eskuinaldean hasi zen, Lauribar iparraldeko muga izanik. Eskumaldean Zitadela eta ezkerraldean Uganga edo Urgane auzoak ditu. Zitadelatik gertu Saint-Jacques auzoa dago, ezkerraldean Saint-Michel dituena. Udalerri hauek ditu mugakide: iparraldean, Izpura; ekialdean, Donazaharre eta Zaro; hegoaldean, Eiheralarre; eta, mendebaldean, Uharte Garazi. 1889an trenbidea Donibane Garazira heldu bazuen ere, XIX. eta XX. mendeetan hiriburua biztanleria ez ezik garrantzi politikoa ere galtzen ari da. Ekonomia jarduera nagusiak nekazaritza, abeltzaintza eta zerbitzuak dira. Behe-nafarrera da garaztarren berezko euskalkia, zehazki ekialdeko aldaerakoa.