Mañu

Bermeoko baserri-auzo honek izaera propioa du. XIX. mendean sortutakoa da, herri-basoen kontzesio bidez eraiki ziren baserriekin. Hasieran hartan, Gipuzkoa aldetik etorritako familiek osotu zuten auzoa, artzaintzarako baliagarriak baitziren bertako lurrak. Gaur egun ere, bertako auzotarren abizenek jatorri hori erakusten dute, asko baitira gipuzkoar jatorriko deiturak. Hiru gune nagusi ditu auzoak: Mañualde, Elizalde eta Oiangortalde. Hizkerari dagokionez, Bermeoko herriguneko eta gainerako auzoetatik bereizgarria da.