Neskato 4. Paris

Donibane Lohitzunetik Parisera joan zen lanera. Etxean bera zen langile bakarra: gosaria prestatzen zuen, etxea garbitu, merkatura joan, bazkaria prestatu eta gainerako lanak (plantxa, zilarra garbitu...). Han jada garbigailua zuten. Bazkalondotan ordu bat izaten zuen libre egunero eta larunbat eguerditik astelehen goizera arte. Lagunekin ibiltzen zen: denda handietara joaten ziren eta hainbat toki ikustera; igandetan, meza ondoren, apaizarekin biltzen ziren eta txurroak eta txokolatea egiten zuten parrokian. Euskaldunak eta espainolak zeuden, elkarri laguntzen zioten. Gaueko harrarretarako beti etxean izaten zen. Parisen ez zuen koartoa nagusien pisuan, etxe zahar haietan zerbitzariek goiko pisuan zuten logela.