Ameriketan artzain 1. Ardiak, zaldiak eta zakurrak

Aste guztian egiten zuten lan (baita larunbat eta igandetan). Urtean hilabete bat libre zuten, baina oporrik hartzen ez bazuten, bikoitza ordaintzen zien nagusiak. Mendian 2500 eta 2700 arteko buru izaten zituzten udan; neguan, berriz, guttiago. Bi lagun izaten ziren: bata artzain eta bestea sukaldari. Noizbait galdu izan zen mendian; baina ez zen deus pasatzen, zaldia eskutikan uzten ez bazenuen, zaldia ez baita galtzen. Etxera itzultzeko, zaldiaren gainean jarri eta utzi behar zaio libre, berak bidea baitaki. Zaldia eta zakurra azkarrak dira. Lau zaldi izaten zituzten bi lagunentzat: bi ongi heziak, bat goizean erabiltzeko eta bestea arratsaldean; beste biak, berriz, leku aldaketetarako erabiltzen ziren. Izan ere, lekuz aldatu behar zuten, hainbeste ardiek segituan jaten baitzuten mendia. Jeneralean hiru hilabete izaten ziren mendi batean eta, zu han zauden bitartean, ezin da inor sartu. Walkie-talkieak erabiltzen zituzten beste artzainekin komunikatzeko. Artzainak udaberrian elkartzen ziren noizbehinka.