Sagardoa nola egiten zuten

Sagardoa egiten zuten bere etxean. Gazi gutxi nahasten zuten, gozoa gustatzen zitzaien. Kolore gorria emateko, motzolo eta patzulo erabiltzen zituzten. Solairuaren gainean uzten zituzten sagarrak ontzen. Pisoiekin egiten zuten dena guztien artean, ez zen makinarik, ezta prentsarik estutzeko. Harrizko tinara joaten zen zukua eta handik, baldekin, kupelera edo barrikara husten zuten. Etxean zurezko onila zuten. Kupela betetzen zutenean, irekita uzten zuten irakin arte. Irakiten duenean ateratzen duen aparra kendu behar zitzaion. Ondoren kupela ixten zen eta sebo ematen zitzaion izkin guztietatik. Neguaren hasieran egiten zuten eta udaberri aldera botilatzen zen. Kupela garbitzerakoan, mixto bat erabiltzen zuten barrenean gasa bazen jakiteko. Kupelek zurezko “ziztonbrak” (kanilak) zituzten. Azkenik, sagardoa botiletan sartzen zuten.