Pepi Ezeiza Elustondo

Beizamako Etxenagusigoikoa baserrian jaio zen, hamar senideren artean lehenengo, bi senide aingeru hil baziren ere. Anai-arreben artean zaharrena izanda, senideak zaintzea tokatu zitzaion umetatik. Umetako jolasak gogoan ditu (hanka-pilota, esku-pilota, sokasaltoa...), baita sendabelarrei buruz jasotako ezagutzak ere. Eskola bukatutakoan, Hernanira joan zen neskame eta han ezagutu zuen gerora senar izango zuen Antonio Alkain. Ezkondu ostean, Aian jarri ziren bizitzen eta baserriko bizimodua eraman izan du ordutik. Hiru seme-alaba izan dituzte.